شدد حسام حسن، المدير الفني للمنتخب الوطني، على أن الفريق يمر بحالة من الإحلال والتجديد خلال الفترة الحالية، مؤكدا أنه لن يعتمد في الوقت الراهن، سوى على اللاعبين الجاهزين.

ويستعد منتخب مصر خلال الأيام المقبلة، لخوض مواجهتي بوركينا فاسو وغينيا بيساو، في الجولتين الثالثة والرابعة على الترتيب من تصفيات كأس العالم 2026، حيث تقام مباراة مصر وبوركينا فاسو في القاهرة يوم 6 يونيو، بينما تجرى مواجهة غينيا بيساو خارج القاهرة يوم 10 يونيو.

وقال حسام حسن خلال جلسة مع الصحفيين بمقر الاتحاد المصري لكرة القدم: «معنديش وقت أدرب اللاعبين، والمنتخب يمر بفترة من الإحلال والتجديد، لهذا فإن المنتخب يحتاج لاعبين جاهزين وقادرين على اللعب تحت ضغوط».

وتابع: «لو جمعت اللاعبين في موعد الأجندة الدولية، وبالتحديد في الثالث من شهر يونيو القادم، ونلعب يوم 6 وقتها إزاي أقدر أجهز اللاعيبة وأحضرهم لخوض مباريات تصفيات كأس العالم.. أنا بناشد الجميع فكروا معايا أحضر إمتى؟.. مفيش وقت.. عشان كدا بطالب ببدء معسكر المنتخب مبكرًا وقبل موعد الأجندة الدولية المقبلة».

حسام حسن: أنا رايح كأس عالم مش مركز شباب

وأوضح: «محتاج وقت لتجهيز اللاعبين والروح لوحدها لا تكفي.. 3 أيام فقط مش كافية لتجهيز منتخب مصر.. أنا رايح كأس عالم، مش رايح مركز شباب، وللأسف الناس بتقول طلبات حسام حسن مجابة.. فين دا إللي مجابة؟!».

وأتم: «مش لاقي لاعبين أضمهم للمنتخب.. ومش لاقي اسم جديد، بروح أشوف مباريات الدوري ومش لاقي حد، وفي الآخر الناس بتقول إنت أخدث مين جديد؟! وماختش دا ليه طيب تعالوا هاتوا أرقام اللاعيبة دي».